Pandemia e Covid 19 ndikoi shumë në këtë aspekt, sidomos te të vegjlit. Për fëmijët ndryshoi rutina e tyre, që nga shkollat, kopshtet apo çerdhet që u mbyllën, te oraret e argëtimit etj.
Kjo bëri që ata të kenë sjellje regresive, si në orarin e gjumit, vështirësi në menaxhimin e ndjenjave si zemërimi, trishtimi dhe ankthi, gjatë pandemisë u bënë sjellje të zakonshme.
Nancy Close, Pedagoge/Asistente në Qendrën e Studimit të Fëmijëve në Shkollën e Mjekësisë të Yale shpegon se si të silleni me fëmijët dhe ta kaloni këtë situatë së bashku.
Po çfarë sjelljesh kanë fëmijët këtë periudhë?
Ka goxha regres në sjelljen e fëmijëve. Ka fëmijë që kanë nevojë për ndihmë për gjumin, ka një zemërim të pashpjegueshëm te ata, por sidomos te adoleshentët. Këto sjellje ndodhin për shkak të stresit dhe kjo bën që të ketë regres dhe jo progres te fëmia juaj.
Atyre u mungon përditshmëria, që nga gjërat më të vogla, sicc është të shkuarit në shkollë me miqtë, argëtimi në parqe lojërash etj.
Disa prindër po shohin që fëmijët e tyre adoleshentë mërzitën shpejt për gjërat dhe janë të hidhëruar. Prindërit duhet të mundohen të flasin me ta dhe t’u shpjegojnë situatën, duke u qëndruar afër.
Fëmijët kanë tendencën të kopjojnë atë që bëjnë prindërit e tyre, kështu që këta të fundit nuk duhet të shfaqin sjellje stresuese para tyre. Ata duhet t’i bindin fëmijët që kjo situatë është normale dhe t’i ndihmojnë ata të përshtaten me ndryshimet.
Këshilla që Nancy u jep prindërve është: Mbajeni veten. Të gjithë po mundohen të bëjnë më të mirën e mundshme. Jo të gjithë prindërit kanë të njëjtën sjellje me fëmijët e tyre, kështu që asnjëherë mos e krahasoni veten me të tjerë.
