E shtunë, 1 Tetor, 2022

Së shpejti ligj për leximin në Shqipëri?

- Advertisement -

Në kuadër të Ditës Kombëtare të Rinisë, Qendra Kombëtare  Librit dhe Leximit i ka propozuar Ministrisë së Kulturës dhe Ministrisë së Arsimit hartimin e një ligji për leximin.

Drejtoresha e qendrës, Alda Bardhyli, është shprehur se ky ligj nuk do i detyrojë të rinjtë të lexojnë, por do të ketë si qëllim që t’i nxisë drejt librave.

- Advertisement -

Qendra Kombëtare e Librit edhe Leximit në bashkëpunim me specialistë të fushës dhe me dy ministritë përkatëse, do të punojë që gjatë vitit 2021 të realizojë këtë ligj. Një ligj që në një farë mënyre nuk do të jetë detyrim në vetvete, por një nxitës që të kthejë dashurinë për leximin”, ka thënë gjatë një tryeze diskutimi Bardhyli.

Studiuesit kundër: Nuk mund të imponohet leximi

Studiues të letërsisë e cilësojnë këtë iniciativë të pavend, sepse sipas tyre leximi nuk mund t’i imponohet askujt. Sipas tyre institucionet nuk duhet të marrin përsipër udhëheqjen, por të ndjekin politika më të mira kulturore.

- Advertisement -

Leximi është çështje kulturimi, është çështje që ka të bëjë me vetëdijen e çdo institucioni mbi raportin që ka me dijen edhe kulturën. Institucionet të mos marrin përsipër që të udhëheqin, por të bëjnë politika kulturore”, shprehet studiuesi i letërsisë, Behar Gjoka.

Ndërsa për historianin Hasan Bello kjo iniciativë është kthim pas në kohë, në regjimin komunist, ku leximi, kryesisht i gazetave, ishte i imponuar.

- Advertisement -

Mendoj se është një rikthim tek para vitet ‘90. Nëse marrim si model Italinë, bëjmë mirë që Italinë ta marrim model edhe për shumë gjëra të tjera, jo vetëm për legjislacionin, që i drejton fëmijët të lexojnë libra që institucionet tona të brishta ua detyrojnë me zor”, thotë Bello.

Bibliotekat e qyteteve dhe të shkollave jofunksionale

Gjatë këtij takimi u diskutua edhe për faktin se bibliotekat e shkollave dhe të qyteteve janë lënë pas dore për 30 vite me radhë, pa i furnizuar me botime të reja. Edhe pse nuk është bërë asgjë për pasurimin e tyre, duket se as këtë vit nuk do të ketë ndonjë fond të veçantë për shtimin e librave të rinj në biblioteka.

Këtë vit s’kemi një buxhet të dedikuar për pasurimin e bibliotekave, por kemi përgatitur dhurimin në shkolla edhe gjimnaze të një kolane me 50 tituj, që do të shkojnë në të paktën 300 shkolla”, ka shtuar Margariti.

- Advertisement -

Share

spot_img

Të fundit

Të tjera nga kategoria

Mësuesja në pension e gatshme të japë mësim pa pagesë, fton edhe pensionistët e tjerë

Mësuesja në pension Seniha Gacaferri Vokshi u ka bërë një propozim të gjithë mësimdhënësve...

Lajm shumë i mirë për mësimdhënësit në Shqipëri

Kryeministri, Edi Rama ka dhënë një lajm shumë të mirë mëngjesin e sotëm për...

A do të pezullohet sot greva në arsim deri në janar?

Bashkimi i Sindikatave të Pavarura të Kosovës do të mbajë sot konferencë të jashtëzakonshme...

Sefaj nga Këshilli Grevist: Be po ju bëj, Murati e Nagavci s’ishin bë drejtora as në Mamushë

Ali Sefaj nga Këshilli Grevist i BSPK-së, ka kritikuar Ministrin e Financave, Hekuran Murati,...