E premte, 7 Tetor, 2022

Përdorimi i antibiotikëve gjatë foshnjërisë, rrezik për mbipeshë

Një hulumtim ka përcaktuar lidhjen mes përdorimi të antibiotikëve gjatë foshnjërisë me mbipeshën në fëmijëri.

Sipas lajmit të uebfaqes Korea Biomedical Review, hulumtimi i kryer nga prof. Park Sang-min dhe ekipi i tij në Spitalin Universitar Kombëtar të Seulit tregon se përdorimi i antibiotikëve gjatë foshnjërisë mund të shkaktojë mbipeshë në fëmijëri.

- Advertisement -

Në kuadër të hulumtimit të kryer mes viteve 2008-2012 u vëzhguan 31.733 fëmijë që ishin të nënshtruar ndaj kontrolleve shëndetësore kur ishin foshnja dhe është analizuar ndikimi i përdorimit të antibiotikëve brenda 24 muajve të parë pas lindjes në mbipeshën në fëmijëri.

Ekspertët konstatuan se në këtë periudhë sa më shumë antibiotikë përdoren aq më shumë rritet rreziku për mbipeshë, ndërsa antibiotiku i parë që është marrë brenda 6 muajve të parë mundësinë për mbipeshë tek fëmijët e rrit me 33 për qind në krahasim me ato që e kanë marrë antibiotikun e parë mes 18 dhe 24 muajve.

Hulumtimi tregon se të paktën 5 antibiotikë gjatë foshnjërisë rrit rrezikun për mbipeshë në fëmijëri me 42 për qind se sa atyre që përdorin vetëm një herë antibiotik.

- Advertisement -

Ekspertët theksojnë se flora e zorrëve dëmtohet me përdorimin e antibiotikëve, gjë që shkakton mbipeshë.

“Ky studim demonstron lidhjen midis përdorimit të antibiotikëve dhe mbipeshës në fëmijëri me një mostër të madhe prej më shumë se 30 mijë njerëz”, tha Park.

Më tej theksohet se mbipesha tek fëmijët shkakton presion të lartë të gjakut, diabet, hiperlipidemi dhe sindromë metabolike ndërsa 1 në 3 fëmijë me mbipeshë lufton me të njëjtin problem në moshë madhore.

Share

spot_img

Të fundit

Të tjera nga kategoria

Ledion Halitaj fiton çmimin e dytë si kitaristi më i mirë i ri në “Transilvania International Guitar Festival”

Rumani, i riu kosovari Ledion Halitaj, është shpallur fitues i trefishtë në Festivalin Ndërkombëtar...

11-vjeçari me autizëm tejkalon gjenitë e shkencës, shpallet më inteligjenti në botë

Një 11-vjeçar ka shënuar pikët më të larta në testin e inteligjencës duke tejkaluar...

Rrahman Jasharaj: Nga nesër nis greva në çerdhet publike

Nga nesër çerdhet publike do të fillojnë grevën në gjithë Kosovën. Kryetari i këshillit...

Greva e përgjithshme në arsim, BSPK kërkon nga kopshtet të mos kujdesen për fëmijët

Bashkimi i Sindikatave të Pavarura të Kosovës i ka bërë thirrje edhe kujdestarëve të...