E premte, 7 Tetor, 2022

Ministrja Nagavci: Do të bëhet trajnimi i drejtorëve dhe mësimdhënësve

Ministrja e Arsimit, Arbërie Nagavci ka thënë se punësimi i asistentëve për fëmijët me nevoja të veçanta është prioritet për Qeverinë Kurti dhe atë si ministre, andaj edhe po realizohet.

Nagavci ka shkruar në Facebook se qenka ngritur si temë punësimi i asistentëve për fëmijët me nevoja të veçanta dhe sa për t’ua kujtuar, në vitin 2017 si deputete e Kuvendit të Republikës së Kosovës, pata propozuar një amendament për punësimin e asistentëve për fëmijët me nevoja të veçanta.

- Advertisement -

“Po ashtu, është paraparë trajnimi i drejtorëve dhe mësimdhënësve të arsimit të mesëm të lartë për qasjen dhe arsimimin e nxënësve me nevoja të veçanta dhe shumë e shumë aktivitete tjera”.

Postimi i plotë i Nagavcit:

“Punësimi i asistentëve për fëmijët me nevoja të veçanta është prioritet për Qeverinë Kurti dhe mua si ministre e Arsimit, andaj dhe po realizohet.

- Advertisement -

Po e shoh që qenka ngritur si temë punësimi i asistentëve për fëmijët me nevoja të veçanta.

Sa për t’ua kujtuar, në vitin 2017 si deputete e Kuvendit të Republikës së Kosovës, pata propozuar një amandament për punësimin e asistentëve për fëmijët me nevoja të veçanta.

Amandamenti nuk u miratua pasi nuk kishte marrë përkrahjen e deputetëve të disa partive përfshirë atyre të Partisë Demokratike të Kosovës që tek tani po e ngrisin këtë çështje. Më vjen mirë që tashmë paskan reflektuar dhe kanë kuptuar rëndësinë dhe nevojën për punësimin e asistentëve.

Në programin qeverisës ne kemi paraparë që çdo vit të qeverisjes sonë të punësojmë nga 100 asistentë për këta fëmijë, andaj dhe i kemi planifikuar edhe në buxhet. Aktulisht janë të punësuar 86 asistentë në shkolla dhe 5 në Qendrat Burimore. Shumë shpejtë do të punësojmë 3 asistent të komunitetit që nuk dëgjojnë.

Punësimi i asistentëve bëhet krahas kualifikimit të tyre, aktualisht vetëm 70 asistentë janë të diplomuar dhe të papunë, andaj dhe paralelisht me buxhetimin, po pregatisim dhe kuadrot e nevojshme dhe sivjet kemi filluar me pregatitjet e grupeve të reja të kandidatëve.

Si Ministri do ta përcjellim me kujdes procesin e punësimit të asistentëve nga komunat dhe do të sigurohemi që deri në fund të mandatit tonë t’i kemi së paku 500 asistentë në shkolla.

Përtej kësaj, Qeveria ka marrë vendim që vitin 2022 ta shpallë “Vit të personave me aftësi të kufizuara në Republikën e Kosovës” që tregon përkushtimin tonë në këtë drejtim.

Në kuadër të aktiviteteve përveç tjerash, është paraparë ndërtimi i pjerrinave në 10 shkolla të mesme të ulëta dhe 5 shkolla të mesme të larta në 15 komuna.

Po ashtu, është paraparë trajnimi i drejtorëve dhe mësimdhënësve të arsimit të mesëm të lartë për qasjen dhe arsimimin e nxënësve me nevoja të veçanta dhe shumë e shumë aktivitete tjera.

Ju siguroj se nuk do të ndalemi vetëm me asistentë, por do të angazhohemi edhe në punësimin e stafit tjetër mbështetës në shkolla. Fëmijët tanë meritojnë mundësi të barabarta dhe ne do të punojmë pa u ndalur që t’u ofrojmë ato.”, ka shkruar ajo duke siguruar se nuk do të ndalen vetëm me asistentë, por do të angazhohen edhe në punësimin e stafit tjetër mbështetës në shkolla”, ka shkruar Nagavci.

Share

spot_img

Të fundit

Të tjera nga kategoria

Profesori nga Drenasi i jashtëzakonshëm, nxjerr në pah talentin për pikturë të personave me aftësi të veçanta

Piktori nga Drenasi, Nazmi Heta po bënë një punë të madhe në Shoqatën Handikos...

Komuna e Drenasit shpall 10 vende të lira për mësimdhënës (Konkursi)

omuna e Drenasit ka shpall konkurs për pranimin e 10 mësimdhënësve të rinj. Konkursi është...

Berat Buzhala: Të japë dorëheqje Arbërie Nagavci

Gazetari Berat Buzhala ka thënë se nga Qeveria duhet të japin dorëheqje edhe ministrja...

Dokument: Ky është kallëzimi penal kundër ministrit Murati për pagat e mësuesve

Deputeti i PDK-së, njëherësh shefi i GP të kësaj partie, Abelard Tahiri, ka bërë...