E diel, 4 Dhjetor, 2022

Kthimi në punë pas festave, si ta keni më të lehtë rikthimin në rutinë

Ditët e pushimit gjatë festave janë fantastike për tu rimëkëmbur nga ritmi kaotik i ditëve plot angazhime të vitit, por edhe për të kaluar më shumë kohë me veten dhe familjen.


Kthimit në punë i druhen të gjithë dhe në shumë raste, thjesht ideja të shteron energjitë.

- Advertisement -

Këshillat e mëposhtme ju ndihmojnë për të përballuar me sa më pak vështirësi kthimin në punë pas festave.

Pranoni realitetin

Si çdo gjë në jetë, edhe pushimet e kanë një afat. Ndaj mos u demoralizoni por pranoni realitetin.

- Advertisement -

Jini të ndërgjegjshëm dhe përgatituni shpirtërisht për faktin se ditët e para të rutinës suaj të punës do të jenë të vështira.

Vendosni prioritete

Gjatë kthimit në punë, mund t’ju duket sikur keni një mal me detyra për të bërë.

Mos u frikësoni. Mjafton të vendosni prioritete mes detyrave që keni për të bërë, duke ia nisur me ato urgjentet.

Hapni postën elektronike para kthimit në punë

Mos u frikësoni nga prania e njoftimeve në adresën tuaj elektronike të punës.

Për të lehtësuar kthimin në punë, një mbrëmje më parë hapeni postën elektronike dhe shikoni gjërat më urgjente për t’u bërë të nesërmen.

Në mbrëmje bëni gati rrobat, çantën, portofolin dhe çdo gjë që ju duhet për t’ia nisur ditën mbarë.

Shkoni më herët në zyrë

Nëse shkoni më herët në zyrë, jo vetëm që do të shmangni trafikun, por edhe ankthin që shkakton ai.

Arsyeja e dytë përse duhet të shkoni më herët në zyrë është se mund t’i jepni kohë vetes që të përshtateni me ambientin dhe kolegët.

Ju mund ta nisni ditën me një filxhan kafeje dhe do të keni kohë për të pastruar dhe sistemuar këndin tuaj të punës.

Planifikoni një drekë jashtë

Gjatë ditës së punës përpiquni të merrni pushime të shkurtra dhe, mbi të gjitha, planifikoni që të hani drekën jashtë me kolegët dhe miqtë.

Pushimet e shkurtra në punë janë ideale për të shmangur frikën e ngecjes në ambient të mbyllur.

Përpos të tjerave, do të keni mundësi të ndërveproni dhe komunikoni me kolegët, gjë që përbën pikënisjen e marrëdhënieve shoqërore.

Dëgjoni muzikë

Muzika është ideale për të larguar plogështinë e ditës së parë në punë. Gjeni këngët që ju pëlqejnë, mundësisht ato që nuk ju përgjumin, dhe dëgjojini gjatë ditës.

Do të keni mundësi që të përqendroheni mjaftueshëm për të bërë punën me sukses./AW/

Share

spot_img

Të fundit

Të tjera nga kategoria

10 profesionet dhe zanatet që mund të zhduken në 5 vjet

Profesionet tradicionale janë të destinuara të zhduken. Në pesë vitet e ardhshme, sipas një...

Truri i adoleshentëve po ‘plaket’ më shpejt…

Stresi i mbylljes gjatë pandemisë ka plakur para kohe trurin e adoleshentëve me të...

A e dini se cili është përdorimi i gomës blu?

Mund të kemi kaluar gjithë fëmijërinë tonë duke menduar se pjesa blu e gomës...

28 NËNTORI – festë e shumëfishtë

Dita e 28 nëntorit e emërtuar si Festa e Flamurit është një nga më...