E mërkurë, 28 Korrik, 2021

Krem supa me miell misri

Receta e përgatitjes së supës me miell misri krejt lehtë në shtëpi.


Supa krem me miell misri është gatuar për breza me rradhë nga amvisat shqiptare për çdo stinë të vitit, shkruan “AgroWeb”.

Një pjatë e lehtë, e pasur me vlera ushqyese dhe plot shije që shoqërohet në mënyrë fantastike me pak bukë të thekur dhe me sallata të freskëta të stinës, transmeton lajmi.net.

Ideale për t’u përgatitur për një vakt të plotë dreke shoqëruar me gatime të tjera të kuzhinës shqiptare.

Receta e kësaj supe është pjesë e menusë së shijshme të kuzhinës tradicionale shqiptare dhe gatuhet në të gjitha trevat e vendit.

Përbërësit e saj janë të thjeshtë dhe gjenden me patjetër në kuzhinën e çdo amvise shqiptare.

Përgatitja e Supës Krem me Miell MisriPërgatitja
(Përbërësit më poshtë janë për 4-5 persona)

3 lugë gjelle me miell misri

2 lugë gjelle gjalpë ose tre lugë vaj ulliri

6-7 garuzhde me lëng mishi

1 kokërr vezë

1 gotë qumësht

2 feta të hollë buke

Pak gjalpë për spërkatjen e bukës

Majdanoz

Përgatitja
Mielli i misrit i situr skuqet me gjalpë dhe shuhet me lëng mishi.

Përzihet shpejt që të mos krijojë kokërriza.

Pasi i hidhet kripë, masa lihet që të zjejë për 10 minuta në zjarr të ngadalshëm, derisa të përgatitet një supë e derdhur me trashësi mesatare.

Pasi ftohet pak, i hidhet veza e rrahur me qumësht të nxehtë. Sipër i hidhet pak gjalpë i freskët ose vaj ulliri.

Nga ana tjetër, buka e bardhë, bajate pasi pritet në kubikë të vegjël, vihet në një tavë.

Spërkatet me gjalpë dhe futet në furrë që të theket.

Kur shërbehet, në pjatë hidhet supa dhe sipër saj vendosen kubikët e bukës së thekur të spërkatur me disa pika gjalpë dhe majdanoz të grirë hollë.

Share

Të fundit

Të tjera nga kategoria

3 ushqimet që duhen shmangur për lëkurë të pastër

Aknet mund të ulin plotësisht besimin tuaj dhe t’ju ndalojnë të jetoni jetën tuaj...

Ëmbëlsira e ftohtë me kos dhe fruta – Receta e ditës

Ëmbëlsirat janë gjithmonë një pikë kyçe e drekave festive në familje. Ato, përveç shijes,...

Darka e thjeshtë – Pite meksikane me pulë dhe speca

Shija që i ka munguar kuzhinës tuaj. Nganjëherë po që është problem të gjesh gatimin...

Torta Tiramisu – Plot ëmbëlsi dhe shije

Në këtë artikull ua lehtësojmë pak punën me këtë ëmbëlsirë me një mënyrë të...