E diel, 5 Shkurt, 2023

Kopjim masiv në testin e Maturës dhe Arritshmërisë – u përjashtuan 170 nxënës

- Advertisement -

Agon Ahmeti, nga Organizata ‘ETEA’ ka komentuar mbajtjen e Testit të Arritshmërisë dhe atij të Maturës këtë vit.

Ahmeti tha se nga monitorimi i tyre kanë parë që është gjendje alarmante në kopjimet e këtyre testeve.

- Advertisement -

“ETEA monitorimin e ka bërë nga jashtë, por neve siç e kemi deklaruar lidhur me Testin e Arrtishmërisë dhe të Maturës, për neve është gjendje alarmante meqenëse kopjimi është masiv”, tha ai.

Sipas Ahmeti, mund të supozojmë që jo të gjithë anëtarët e grupeve në rrjete sociale kanë qenë nxënës, por nuk ka garanci të plotë për këtë.

“Jemi duke folur për shifra tepër të mëdha, për grupe që shkojnë deri në 10 mijë anëtarë në Testin e Arritshmërisë dhe grupe që shkojnë në 5500 anëtarë në provimin e maturës, të paktën aty ku kemi arrit me pas qasje”, tha Ahmeti.

- Advertisement -

Sipas tij me situata të tilla i humb edhe kredibilteti testeve kombëtarë që i’u nënshtrohen nxënësit.

“Kjo flet për kredibilitetin e testin sa zhvillohej testi dhe grupet kanë qenë tepër aktive, dinamike sa nuk kam më, me fotografi të testeve, me komunikim, me bashkëveprim në këtë fenomen të dëmshëm për të gjithë, sidomos për nxënësit, për ne del se ky test sikurse në vitet e kaluara nuk e ka ndonjë kredibilitet shumë të rëndësishëm nëse ka fenomene të tilla”, tha Ahmeti më tej.

Fatmir Elezi, shef i Divizionit për Monitorim dhe Vlerësim në Ministri të Arsimit tha se nga Testi i Arritshmërisë janë përjashtuar rreth 50 nxënës, kurse në atë të Maturës rreth 120 nxënës.

- Advertisement -

Ndërkaq, Ditjon Fetahu nga Këshilli i Nxënësve të Kosovës tha se publikimi i Testit të Maturës në rrjete sociale është fenomen që është shoqëruar ndër vite.

Por, sipas tij kjo po ndodhë për shkak se administruesit nuk e bëjnë mirë detyrën e tyre.

“Edhe këtë vit si në vitet e tjera janë problemet që po na shfaqen. Ndër vite jemi përballur me dy fenomene nëse kisha mujt me thënë sa i përket prej monitorimit të maturës, e ato janë kopjimi i nxënësve dhe e dyta mos përgjegjësia nga administruesit që po lidhet edhe me të parën me çështjen e tolerimit të kopjimit, por edhe me vonesa në paraqitje në ditën e testimit”, tha Fetahu.

Ai shtoi se nga monitorimi direkt i këtij testi, kanë identifikuar rreth 100 nxënës e që janë larguar nga Testi i Maturës.

“Rreth 100 nxënës dhe administrues që janë dënuar në këtë afat pasi janë gjetur prej këtyre grupeve online që janë gjetur që po flasim. Por vlen të theksohet se jo të gjithë nxënësit që kanë qenë pjesë e grupeve online, kanë pasur lluksin ta përdorin telefonin gjatë testimit”, tha Fetahu.

Sipas tij, qasja e administruesve duhet të tregohet me më seriozitet në punë dhe me u zhvillu tutje.

“Duhet me pas edhe kontroll më të madh para hyrjes në qendra të testimit sa i përket përdorimit të telefonave”, shtoi ai./Kallxo/

- Advertisement -

Share

Të fundit

Të tjera nga kategoria

E FUNDIT: “Do ta dërgojmë në Kushtetuese Ligjin e Pagave, nëse nuk plotësohen kërkesat për rritje të koeficientit”

Qeveria e Kosovës në fillim të kësaj jave bëri publik koeficientin në vlerë të...

22 libra që duhet të lexoni patjetër në jetë

1.“Për kë bien këmbanat” – Ernest Hemingueji Një nga veprat më të mira Heminguejit, “Për...

Këshilla për të tërhequr dhe mbajtur vëmendjen e nxënësve gjatë orës mësimore

Nga Zihnie Kaçaniku Gurmani Këshilla për të tërhequr dhe mbajtur vëmendjen e nxënësve gjatë orës...

Drejtori i shkollës fillore “Naim Frashëri” në Banjë të Malishevës jep një njoftim për nxënësit dhe mësimdhënësit

Shkolla fillore "Naim Frashëri" në Banjë të Malishevës ka njoftuar se mësimi fillon nesër...