E martë, 31 Janar, 2023

Inspektorati i Arsimit e konfirmon: Pati diskriminim të nxënësve të komuniteteve në Festën e Abetares

- Advertisement -

Inspektorati i Arsimit në Pejë ka dalë me një procesverbal rreth rastit të nxënësve të komuniteteve romë, ashkalinj dhe egjiptianë, të cilit ishin ulur ndaras nga nxënësit e tjerë, që ishin të pranishëm në Festën e Abetares në Palestrën e Sportit “Karagaqi” në Pejë.

Ky inspektorat vlerëson se këtu ka pasur diskriminim, derisa ka listuar disa gjetje, përfshirë deklaratën e mësueses, deklaratën e drejtorit të shkollës “Xhemajl Kada”, deklaratën e drejtorit të DKA-së dhe faktorë të tjerë.

- Advertisement -

“Pamjet televizive ku janë parë nxënësit e komuniteteve romë, ashkalinj dhe egjiptianë në atë pjesë, ku nuk kishte nxënës tjerë përveç tyre, është diskriminuese dhe fyese për komunitetet në fjalë dhe për të gjithë qytetarët e Republikës së Kosovës”.

Në këtë procesverbal është përfshirë deklarata me shkrim që ka dhënë mësuesja për këtë rast, momenti kur janë pyetur nxënësit e komuniteteve romë, ashkalinj dhe egjiptianë se pse janë ulur ndaras nga nxënësit e tjerë, çka kishin deklaruar ata dhe çka kishte thënë mësuesja më pas.

“Në deklaratën me shkrim të mësueses ku përshkruhet situata e datës 17.05.2022 që kishte marrë pjesë me 10 nxënës të komunitetit rom, ashkali dhe egjiptian në festen e abetares në palestrën “Karagaqi” në Pejë thuhet se: Pas një aktiviteti në parkun e qytetit i cili ishte planifikuar si aktivitet për zhvillimin e njësisë mësimore në natyrë, aktivitetin e kemi vazhduar në palestër me 10 nxënës të komunitetit rom, ashkali dhe egjiptian të moshës 10 deri në 14 vjeç për të marrë pjesë në festën e abetare”. Me tutje thekson se: Në palestër kemi arritur me vonesë, dhe pasi salla ishte e mbushur me nxënës dhe prindër dhe pothuajse ishin të zëna të gjitha vendet në pjesën qendrore të palestrës, jemi orientuar së bashku me këta nxënës në pjesën tjetër të lirë ku aty ishin disa prindër”.

- Advertisement -

“Nxënësit ishin mjaft të disponuar dhe aktivë në përcjelljen e programit, me ç’rast kam filluar të vallëzoj bashkë me nxënësit e mi në përcjellje të pikave festive të nxënësve që ishin në podium të palestrës. Ndërkohë, gazetarja u është afruar të nxënësit dhe u ka bërë pyetje: Pse jeni ulur të veçuar? Nxënësit janë përgjigjur së ata kanë pasur dëshirë të uleshin në ndonjë vend më afër përcjelljes së aktivitetit por mësuesja i ka sjellë këtu. Intervista është realizuar edhe me mësuesen me pyetje të ndryshme. Mësuesja deklaron që me vetë iniciativë i ka sistemuar nxënësit të ulen dhe ta përcjellin programin nga ai vend ku ishin vendosur pa asnjë qëllim diskriminues apo fyes për komunitetin dhe nxënësit”.

Në këtë procesverbal janë përfshirë edhe deklaratat e drejtorit të shkollës “Xhemajl Kada” në Pejë dhe të drejtorit të DKA-së në Pejë dhe zyrtarëve të kësaj drejtorie që ishin të caktuar për organizimin dhe mbarëvajtjen e Festës së Abetares.

Inspektorati i Arsimit në Pejë ka rekomanduar që Drejtoria Komunale e Arsimit në Pejë të nisë procedurë disiplinore ndaj mësueses Gjylfidane Morina.

- Advertisement -

Po ashtu rekomandohet që Drejtoria e ShFMU “Xhemajl Kada” në Pejë të promovojë të drejta të barabarta në arsim për të gjithë nxënësit pa dallim, gjithashtu të promovojë në vazhdimësi të drejtat e komuniteteve dhe pjesëtarëve të tyre për arsimim publik dhe barazinë e tyre me popullin shumicë.

Sektori i Inspektoratit të Arsimit thotë se gjatë vizitave inspektuese në ShFMU “Xhemajl Kada” në Pejë ka vërejtur së nxënësit e komuniteteve trajtohen barabartë me të gjithë pa përjashtim.

- Advertisement -

Share

Të fundit

Të tjera nga kategoria

Në mungesë të kuadrit, nuk ka mësim në gjimnazin e matematikës

Nxënësit e gjimnazit “Matematikë dhe Informatikë” në Shkup edhe javën e dytë të gjysmë-vjetorit...

ORCA: Senati i UP-së ka shpallur plagjiatorë profesorët Bujar Dugolli e Ardian Kastrati

Organizata për rritjen e cilësisë në arsim (ORCA), përmes një njoftimi për media ka...

Sindikatat reagojnë për mos publikimin e vlerës së koeficientit: Qeveria po tallet, nuk i harrojmë këto lojëra

Kryetari i Sindikatës së Pavarur të Administratës së Kosovës, Ali Gashi ka thënë se...

Çfarë “befasie” po përgatit Kurti për punëtorët e sektorit publik – a do zbulohet deri në mbrëmje vlera e koeficientit?

Sot është dita e fundit e muajit janar dhe vlera monetare e koeficientit të...