E diel, 26 Qershor, 2022

Fjolla Rraci flet për Kids of Kosova: Fytyra ime mori pamje tjetër kur u shfaq fotoja e Leonit në ekranin e Times Square-it

- Advertisement -

Më 18 shtator të këtij viti, foto e Leon Arifit, djalit me sindromën Down zuri vend në njërin ndër ekranet më të famshme në botë, atë të Times Square-t që gjendet në New York. Në fotografi, Leoni i buzëqeshur shihet me Fjolla Rracin e cila e bëri të mundur që fotoja e të shfaqet në ekranin që e sheh mbarë bota.

Media për fëmijë dhe nëna “Kids of Kosova” (www.kidsofkosova.net) ka zhvilluar një intervistë me znj. Fjolla Rraci e cila ka treguar se si u bë e mundur që fotoja e Leonit dhe saj të shfaqet në ekranin e Times Squares, si e përshkruan ajo këtë moment, ndërsa flet për jetën e saj në Amerikë, si aktivizimin e saj në Kosovë për të ndihmuar personat me sindromën Down dhe autizëm, kurse jep dhe një mesazh për të gjitha nënat.

- Advertisement -

 Lexoni intervistën e plotë me Fjolla Rracin, vajzën që mundësoi që foto e djalit me sindromën Down, Leon Arifi të shfaqet në Time Square:

Së pari një prezantim, CV e shkurtër e juaja?

Fjolla, është një vajzë që ka lind nga dashnia e me dashni është rritë.

- Advertisement -

Ka kaluar jetën e rrethuar në një ambinet t’shëndetshëm ku çdo njeri është pranuar e vlerësuar ashtu si është.

Duke u rritur kam marrë pjesë në aktivitete të ndryshme që kanë të bëjnë me socializimin e personava me nevoja të veçanta në shoqëri.

Aktualisht jetoj në SHBA, duke u munduar të edukoj vetën sa ma shumë e të bëhem versioni më i mirë i vetës që të jem më e dobishme për shoqërinë e të jem zë për ata që nuk ju dëgjohet fjala e ju mohohen të drejtat themelore njerëzore.

- Advertisement -

Para ca ditësh keni publikuar një shkrim ku tregoni se si fotoja e Leon Arifit pushtoi ekranin e Time Square. Na flisni pak për këtë si erdhi?

Lumturisht nuk është hera e parë që një person me sindromën Down shfaqet në Time Square, ky është viti i tretë me radhë.

Për të qenë pjese e Time Square duhet të aplikosh në kuadër të video prezantimit të National Down Syndrome Society, e në një rubrikë të vogël duhet të shkruash pse është kjo e rëndësishme për ty të shfaqet kjo foto. Unë kam shkruar për rëndësinë e Leonit në jetën time e të mirat e pafundshme të tij.

Diten kur është shfaq foto, fytyra ime ka marrë pamje tjetër e ndjenjat kanë qenë të papërshkrueshme, mungonte veç Leoni me qenë afër e me i jap atij momenti hala më shumë kuptim.

VIDEO: Momenti kur vendoset foto në Times Square:

 

Na tregoni kur keni filluar në mënyrë vullnetare të ndihmoni fëmijët me sindromin Down dhe ata me autizëm?

Kohën kur veç kam jetuar në Kosovë kam filluar si shumë e re, njëherë në Gjakovë e atëherë në Prishtinë gjatë kohës së studimeve në mënyrë vullnetare me qenë pjesë e aktiviteve të ndryshme që kanë të bëjnë me zhvillimin dhe inkuadrimin e personave me sindromën Down në shoqëri, me pas nga dëshira e madhe që të jem pjesë e tyre e të ndihmoj më shumë në mënyrën e duhur kam filluar të jem pjesë e shkollave si asistente e tyre duke u paguar nga vet prindërit.

Personat me nevoja të veçanta në Kosovë kishin me qenë shumë më shumë të integruar nëse veç shteti kish me ju jap më shumë shërbime e mundësi me qenë pjesë e shoqërisë.

Cili është mesazhi juaj për prindërit që kanë fëmijët me autizëm dhe sindromën Down?

Ardhja e një fëmije në jetë është një arsye për me festuar, e një kromozon shtesë, një fëmijë me një ecje ndryshe, një mënyrë t’mendumit ndryshe nuk është aryse për mos me u festu e me u gëzuar ekzistenca e tij. Pranoje si është që me ju gëzuar jetës e rritjes së tij çdo ditë. /Kids of Kosova/.

- Advertisement -

Share

spot_img
spot_img

Të fundit

Të tjera nga kategoria

Kush i kontrollon thikat në shkolla?

Besim Hyseni nuk dëshiron të flasë shumë për humbjen e djalit, por thotë se...

Ministrja Nagavci komenton te Rron Gjinovci, e “masakron” gjuhën shqipe

Drejtori i Organizatës për Rritjen e Cilësisë në Arsim, Rron Gjinovci, ka vazhduar kritikën...

Dështimi i Kosovës me shkollat, nxënësit kthehen të rrahur e të therur

Dhuna në shkolla po del të jetë një dukuri në rritje, që po shkon...

“Ngel” arsimi në Shqipëri, nga 29 mijë 731 maturantë vetëm 4 maturantë marrin notën 10-të

Këtë të premte janë publikuar notat e provimit të Gjuhës Shqipe dhe Letërsisë për...