E mërkurë, 28 Shtator, 2022

Emocionuese: Nëna kosovare takon fëmijën e saj që e kishte braktisur para 30 vjetësh

- Advertisement -

Drejtori i Qendrës për Punë Sociale (QPS) në komunën e Prishtinës, Vebi Mujku ka rrëfyer për një rast të një nëne kosovare e cila e kishte braktisur fëmijën e saj para më shumë se 30 vitesh, e që tani ka vendosur ta takojë.

Takimi i nënës me fëmijën e saj që nuk e kishte njohur që nga braktisja si foshnjë e porsalindur kishte ndodhur para dy ditës, me asistencë të Qendrës për punë Sociale në Prishtinë, shkruan Reporteri.net.

- Advertisement -

Mujku ka thënë se kjo është një përmbushje e madhe profesionale e kësaj qendre.

Njoftimi i plotë:

• BASHKIMI I PRINDIT BIOLOGJIK ME FËMIJËN E BRAKTISUR, një prej momenteve kur unë e stafi tjetër i QPS-së arrijmë përmbushjen profesionale. Anën e shenjtë të punës e përjetova edhe para dy ditësh. ↓

- Advertisement -

Një nënë e cila ishte detyruar ta braktisë fëmijën e saj para më shumë se 30 vjetësh, arriti që falë punës dhe përkushtimit të QPS-së të vendosë kontakte, ta njohë, e para dy ditësh ta takojë fëmijën e saj që e kërkoi një jetë të tërë! Histori të tilla të ribashkimit për të gjithë ne janë rrëqethëse, paramendoni si mund të jetë një moment i tillë për vetë prindin e fëmijën!

Ky çast në fakt ka më tepër emocione se gjithë herët, e çdo mbrëmje që prindi bie duke menduar se ku ka përfunduar foshnja që e ka braktisur, apo fëmija, cili është ai prind, ajo nënë që e braktisi, dhe pse?!

Të biesh e të zgjohesh duke menduar a është gjallë, a do ta takojë qoftë edhe njëherë në jetë, e frika se do të largohet nga kjo botë pa e realizuar këtë kurrë. Ndodhë shpesh edhe kjo!
Edhe gjatë këtij viti sikur viteve të mëparshme kemi pasur mjaft kërkesa nga fëmijët për të takuar prindin biologjik.

- Advertisement -

Pa paragjykuar asnjë situatë, braktisja e fëmijës ka ndodhur gjithnjë dhe do të ndodhë edhe në të ardhmen, por mundësia e bashkimit, kontaktimit dhe takimit, pas arritjes së moshës madhore, gjithnjë ekziston!

Fatkeqësisht ka edhe individë që jo rrallëherë flasin keq për QPS dhe nuk e kuptojnë rëndësinë e punës sociale, rolin, përgjegjësitë dhe kompetencat e institucionit.

Investime të mëdha dhe të qëndrueshme duhet bërë në të gjitha QPS-të në Kosovë sepse çështjet dhe problemet familjare e kanë këtë adresë, si të vetmen dhe kompetente.

- Advertisement -

Share

spot_img

Të fundit

Të tjera nga kategoria

Gjejnë njëra-tjetrën pas 32 vitesh: Nënës i bie të fikët në krahët e vajzës

Një histori e trishtë është transmetuar ditën e sotme në rubrikën “Ka një mesazh...

Kujdes nëna: Këto ushqime nuk duhet t’ua jepni fëmijëve pa bërë 2 vjeç

Stomaku dhe gjithë sistemi tretës i fëmijëve është mjaft i ndjeshëm dhe nuk mund...

Ky artikull është për ju që keni planifikuar të bëheni nëna pas moshës 40-vjeçe!

Në vendin tonë, gjithnjë e më shumë gra vendosin të kenë një fëmijë në...

Momente prekëse, nëna me kancer ndahet mes lotësh nga i biri para se të niset drejt spitalit

Jonida është veçse 25 vjeç, por sëmundja e kancerit po ia shkurton jetën. Kur...