E mërkurë, 1 Dhjetor, 2021

Ekspertët për Pfizer: Përfitimet e vaksinës te fëmijët 5 deri 11 vjeç

Ekspertët e Administratës së Ushqimit dhe Barnave në Shtetet e Bashkuara thanë të premten se përfitimet nga vaksina Pfizer për fëmijët 5 deri në 11 vjeç kundër COVID-19 janë shumë më të mëdha sesa rreziku i rasteve të rralla të inflamacionit të zemrës, të quajtur miokardit.


Njoftimi vjen para se një panel ekspertësh të jashtëm të votojë të martën nëse do të rekomandojë miratimin e vaksinës nga FDA për këtë grupmoshë.

Nëse agjencia e jep autorizimin, vaksinat mund të jenë të disponueshme në Shtetet e Bashkuara në fillim të nëntorit.

Komisioni i pavarur këshillues i Qendrave për Kontrollin dhe Parandalimin e Sëmundjeve do ta shqyrtojë këtë çështje më 2 dhe 3 nëntor.

Kompania farmaceutike Pfizer dhe partneri i saj gjerman, BioNTech, publikuan të premten të dhëna që tregojnë se vaksina e tyre ndaj COVID-19 është e sigurt dhe 90,7% efektive në parandalimin e infeksioneve simptomatike tek fëmijët 5 deri në 11 vjeç.

Pfizer tha se prova u krye në mesin e 2,268 fëmijëve të moshës 5 dhe 11 vjeç, të cilëve iu dhanë doza më të vogla, sa një e treta e atyre që u jepen personave 12 vjeç e lart.

Në pritje të miratimit, Shtëpia e Bardhë këtë javë njoftoi planet për të shpërndarë doza të mjaftueshme vaksine për 28 milionë fëmijët e moshës 5 deri në 11 vjeç që jetojnë aktualisht në SHBA.

Share

Të fundit

Të tjera nga kategoria

Njihuni me vajzën shqiptare që ka rrëmbyer vëmendjen e Bill Gates, u rendit e dyta në konkursin botëror

Shqiptarët po shkëlqejnë kudo në botë. Veçanërisht gjenerata e të rinjve. Së fundmi kryeministri Edi...

Si ta kuptoj nëse fëmija im është empat?

Nëse fëmija juaj është emocionalisht ose fizikisht i ndjeshëm, ai mund të jetë një...

Solidarizim me aktoren Matoshi, sot organizohet “Ecim për Adrianën”

Një ecje solidarizimi do të mbahet sot nga ora 12:00 për aktoren dhe deputeten...

I kaloi mbi 600 ditë duke fjetur në tendë, britaniku 12-vjeç i mblodhi 800 mijë euro për bamirësi

“Djaloshi në tendë”, 12-vjeçari që e quan kështu veten, i ka kaluar 600 ditë...