E enjte, 22 Prill, 2021

Dreka më e shijshme e së dielës, qofte me peshk dhe perime

Mund të jetë kjo një nga të dielat kur nuk keni asnjë ide për drekën, ndoshta edhe sepse fëmijët kanë preferenca të ndryshme. Po me këtë recetë që po ju propozojmë, edhe fëmijët me naze do t’i pëlqejnë brokolin, bizelet dhe patatet e ëmbla të përziera me peshk. Mjafton t’i provojnë.

Koha 50 minuta

4 racione

Përbërësit

2 patate mesatare, të qëruara, me copa

1 patate e ëmbël mesatare, e qëruar dhe e prerë

1 kokë e vogël brokoli, e ndarë në lule

100 g bizele, plus të tjera të gatuara, për servirjen

Një tufë e vogël majdanoz,e prerë trashë

Lëkura e 1 limoni, feta për servirjen

2 lugë çaji mustardë

225 g (afërsisht 3 fileto) qefull i tymosur

4 lugë gjelle miell, plus një sasi për pluhurosje

3 lugë gjelle vaj luledielli

Përgatitja

Vendos patatet në një tigan të madh me ujë të ftohtë të kripur, mbuloji dhe vëri të ziejnë. Lëri për 10 minuta sa të fillojnë të zbuten pak, por jo të gjitha. Shto brokolin dhe lëri të gatuhen për 4 minuta, pastaj shto bizelet dhe gatuaji për 30 sekonda. Kulloji dhe lëri në kullesë për t’u ftohur plotësisht. Mund të qëndrojnë në frigorifer një natë.

Hidhi në mikser elektrik. Shto majdanozin, lëkurën e grirë të limonit, mustardën, peshkun, miellin dhe erëzat. Vazhdo grirjen sa përzierja të copëtohet imët dhe të fillojë të mblidhet me toptha. Hiq thikën nga mikseri, lyeji duart me miell dhe formo 8 qofte, duke i lyer edhe ato me miell. Vendosi në një pjatë dhe vëri në ngrirje për 30 minuta sa të forcohen. Mund të mbështillen me letër dhe të ruhen në frigorifer për 2 muaj.

Nxeh vajin në një tigan që nuk ngjit. Skuqi qoftet për 5-8 minuta derisa të marrin ngjyrë të artë dhe të bëhen kërce. Shërbeji me bizele shtesë dhe feta limoni.

Share

Të fundit

Të tjera nga kategoria

Darka e thjeshtë – Pite meksikane me pulë dhe speca

Shija që i ka munguar kuzhinës tuaj. Nganjëherë po që është problem të gjesh gatimin...

Torta Tiramisu – Plot ëmbëlsi dhe shije

Në këtë artikull ua lehtësojmë pak punën me këtë ëmbëlsirë me një mënyrë të...

Pulë me domate dhe makarona

Recetat me pulë janë të shumëllojshme e megjithatë amvisat janë gjithmonë në kërkim të...

Krem supa me miell misri

Receta e përgatitjes së supës me miell misri krejt lehtë në shtëpi. Supa krem me...