E shtunë, 25 Qershor, 2022

8 përparësitë e njerëzve me inteligjencë më të lartë emocionale

- Advertisement -

Diskutimet rreth Inteligjencës Emocionale janë të shumta – ajo është kudo dhe ndër cilësitë më të kërkuara për zhvillimin personal dhe profesional.


Inteligjenca Emocionale (IE) ka qenë edhe objekt i debateve të nxehta nga drejtues të shquar të mendimit.

- Advertisement -

Dy ekspertë, Adam Grant e Daniel Goleman, janë përballur shpesh në të kaluarën, me Grant që pretendonte qëKoeficienti i Inteligjencës (KI) është më i rëndësishëm se Inteligjenca Emocionale (IE), ndërsa Goleman e përgënjeshtronte këtë.

Në studimet dhe vëzhgimet e mia gjatë viteve, është e dukshme që punonjësit shembullorë, të cilët shfaqin Inteligjencë Emocionale, e bëjnë më të mirë vendin e punës.

Shembujt e mëposhtëm do t’u japin më shumë nxitje për t’u angazhuar një numri më të madh punonjësish, që zotërojnë Inteligjencë Emocionale.

- Advertisement -

Më poshtë janë tetë përparësitë që i kanë njerëzve me Inteligjencë Emocionale më të lartë:

Përmirësohet puna në grup

– Njerëzit me IE të lartë komunikojnë më mirë me kolegët e tyre krahasuar me ata që nuk janë në harmoni me Inteligjencën e tyre Emocionale. Ata ndajnë idetë dhe janë të hapur ndaj mendimeve të të tjerëve. Ata janë më pak të prirur të dominojnë një situatë dhe të “marrin përsipër” diçka, pa u konsultuar më parë me të tjerët. Kjo krijon besim në momentin që ekipi duhet të punojë së bashku.

- Advertisement -

Përmirësohet shërbimi me klientin

– Kur punoni në një zyrë ku kolegët dhe bashkëpunëtorët shkojnë mirë, bashkëpunojnë dhe respektojnë njëri-tjetrin, puna është më e bukur dhe kultura e punës më e fortë. Kjo reflektohet në një shërbim klienti më pozitiv.

Përqafimi i ndryshimit

Është e natyrshme për punonjësit, që të përballen me ndryshimin. Me ndryshimin mund të vijë edhe frika, ankthi dhe tensioni. Megjithatë, punonjësit me Inteligjencë Emocionale të lartë përshtaten dhe e përqafojnë më lehtë ndryshimin së bashku me qëllimet e kompanisë.

Feedback-u është i mirëpritur

– Drejtuesit shpesh përballen me punonjës në ‘pozicion mbrojtës’, kur ofrojnë feedback konstruktiv, gjë që mund të jetë frustruese për të dyja palët.Punonjësit në harmoni me IE e marrin dhe e përdorin feedback-un në një mënyrë pozitive për t’u përmirësuar dhe për t’u rritur.

Situatat më të vështira menaxhohen më mirë

– Njerëzit me Inteligjencë Emocionale të lartë dinë si t’i menaxhojnë mirë situatat sfiduese si për shembull klientë të pakënaqur, bashkëpunëtorë të pakënaqur apo drejtues të pakënaqur me punën tuaj. Një tjetër nivel i lartë i IE do të manifestohet në ruajtjen e qetësisë dhe pozitivitetit gjatë bisedave të vështira dhe në vendosjen e kufijve në rast të mosmarrëveshjeve, konflikteve dhe veprimeve disiplinore (nëse jeni një drejtues).

Njerëzit krijojnë marrëdhënie më të forta dhe mbështesin njëri-tjetrin

– Inteligjenca Emocionale shfaqet kur tregojmë dhembshuri për të tjerët, duke ndihmuar dhe duke mbuluar përgjegjësitë e një kolegu, i cili po kalon një periudhë të vështirë për shkak të një problemi personal. Akti i dhembshurisë i treguar mes kolegëve apo drejtuesve dhe punonjësve, i bashkon njerëzit dhe përmirëson moralin dhe reputacionin e kompanisë suaj.

Afatet dhe objektivat në punë përmbushen me lehtësi

– Afatet dhe objektivat në punë përmbushen me lehtësi. Punësoni një ekip me Inteligjencë Emocionale të lartë dhe shihni se sa me efikasitet do ta menaxhojnë kohën për të përmbushur projektet dhe për të respektuar afatet e rëndësishme, krahasuar me punonjësit me IE të ulët. Për drejtuesit kjo do të thotë më pak nevojë për mikromenaxhim. Njerëzit me IE të lartë dinë se si t’u japin përparësi detyrave dhe të përmbushin punën në një kohë të shkurtër.

Njerëzit janë më të vetëmotivuar

– Njerëzit me IE të lartë kanë një mentalitet të hapur. Ata janë optimistë, më elastikë kur përballen me pengesa (nuk dorëzohen lehtë) dhe më të motivuar në ambicien e tyre, përpiqen për të arritur një objektiv, ndërmarrin nisma dhe veprojnë përballë mundësive.

- Advertisement -

Share

spot_img
spot_img

Të fundit

Të tjera nga kategoria

Ironizohet në rrjetet sociale pasi ju gjenden armë nxënësve në Ferizaj: Hapet libraria me furnizim të ri për vitin shkollor 2022/23

Policia e Kosovës të premtën kapi disa armë nxënësve në Ferizaj, çka ngjalli reagime...

Shkrimtarja Shqipe Sylejmani fyhet mbi baza raciste në festën zvicerane

Shqipe Sylejmani ka organizuar një event kostumesh, por, për shkak se aty nuk duken...

Nëse e gjeni gaforren mes trëndafilave për më pak se 30 sek, jeni ndër 10% e njerëzve më të zgjuar në botë

Gjeni gjallesën e ujit në foto dhe zgjidhni enigmën! Kontrolloni nëse jeni ndër 5%...

Mësuesja shpjegon anatominë në mënyrë ‘origjinale’, zhvishet para nxënësve

Ajo ishte duke shpjeguar anatominë ndërkohë që hipi mbi një bankë dhe nisi të...