E martë, 22 Qershor, 2021

6 rreziqe nga marrja e multivitaminave

“Mjekësia parandaluese” është një hit për vite me radhë dhe ka shumë qasje të bazuara në shkencë që mund të ndihmojnë në parandalimin e sëmundjeve.


Por, marrja e një multivitamine nuk është një prej tyre dhe disa nga përbërësit në këto shtesa mund të çojnë në probleme shëndetësore.

Këto gjashtë rreziqe ju kërcënojnë nëse merrni multivitamina çdo ditë.

Do t’i hidhni paratë

Nëse investoni në multivitamina si parandalim i sëmundjeve, shkenca nuk është pikërisht në anën tuaj. Në një studim të botuar në vitin 2018, shkencëtarët nga Universiteti “Johns Hopkins” analizuan në studime që përfshinë gati gjysmë milion njerëz dhe arritën në përfundimin se marrja e një multivitamine nuk zvogëlon rrezikun e sëmundjes së zemrës, kancerit, rënie njohëse ose vdekje e hershme. Ata ju këshillojnë të mos humbni para për multivitamina dhe të merrni të gjitha mineralet që ju duhen nga ushqimi.

Rritja e rrezikut të kancerit

Nëse merrni multivitamina bëni kujdes se sa biotinë përmbajnë. Mjekia familjare Kathryn Boiling rekomandon që pacientët të mos marrin më shumë se 1 mg biotinë në ditë. Një studim tregoi se njerëzit që marrin doza të mëdha të biotinës kanë një rrezik në rritje të kancerit të mushkërive.

Gjakderdhje e tepërt

Një përbërës tjetër potencialisht i rrezikshëm në një multivitaminë është vitamina E. “Nëse nuk keni një arsye të mirë për të marrë vitaminë E, nuk duhet ta merrni. Ne dikur mendonim se ishte mirë të merrej sepse është një antioksidues, por rezulton se rreziqet e marrjes së saj janë shumë më të mëdha se përfitimet. Vitamina E hollon gjakun dhe mund të shkaktojë gjakderdhje të rëndë edhe me lëndime të lehta”, tha Boiling.

Dështimi i mëlçisë

Asnjë shtojcë nuk duhet të përmbajë ekstrakt të pastër të bimës së kafesë. “Kafeja mund të shkaktojë dështim të mëlçisë. Unë u them pacientëve se nuk është e sigurt ta merrni ”, tha Boiling.

Problemet neurologjike

Çdo multivitaminë që përmban triptofan duhet të shmanget. “Triptofani është diçka që mund të merret për t’ju ndihmuar të bini në gjumë, por shoqërohet me një çrregullim neurologjik që përfshin lodhje, dhimbje intensive të muskujve dhe nervave”, tha Boiling. Triptofani është i pranishëm në sasi të vogla në ushqime si gjel deti dhe qumësht dhe ky nuk është problem, por nuk duhet të merret si shtesë.

Ndërveprimet me ilaçet

Disa multivitamina mund të kenë një efekt negativ në kombinim me ilaçet kundër depresionit dhe kontraceptivët, kështu që ato nuk duhet të merren, shkruan Eat This Not This.

Share

Të fundit

Të tjera nga kategoria

Metoda natyrale për të kuruar djegien nga dielli

Në qoftë se deri pak javë më parë ankoheshit nga dimri i stërzgjatur, shirat...

Ndikimi i temperaturave të larta në shtypjen e gjakut

Shkaktarët e tensionit të lartë të gjakut janë të lidhur fort me shumë faktorë...

8 ushqime që duhet t’i konsumoni patjetër këtë verë për të marrë gjithë hidratimin që ju duhet

Nëse ka ndonjë stinë që na rikthen ose na shton edhe më shumë dashurinë...

Një maskë shumë e thjeshtë, heq puçrrat

Puçrrat janë një problem i vërtetë për shumë femra dhe meshkuj, pasi shpesh në...